У Брэсцкай абласной бібліятэцы імя Максіма Горкага адкрылі сектар рэдкай кнігі. Упершыню бібліятэка ў асобным памяшканні прадставіла грамадскасці сваю калекцыю рэдкіх кніг у поўным аб’ёме – амаль паўтары тысячы экземпляраў. Пад час адкрыцця сектара рэдкай кнігі адбылася і ўрачыстая цырымонія перадачы ў дар бібліятэкам Брэсцкай вобласці шматтомнага факсімільнага выдання “Кніжная спадчына Францыска Скарыны”. У выданні сабраны ўсе кнігі, якія ў свой час выйшлі з-пад станка знакамітага першадрукара.