У Брэсцкай вобласці з прыцягненнем адраснага субсідзіравання ў жыллёвым будаўніцтве да канца года будзе ўведзена 10 шматкватэрных дамоў. Усяго ў бліжэйшы год у рэгіёне пабудуюць амаль паўтары тысячы кватэр. Іх уласнікамі стануць жыхары Баранавічаў, Пінска, Лунінца, Іванава, Пружанаў і Брэсцкага раёна. Прэтэндаваць на субсідыі могуць усе грамадзяне, якія маюць права на атрыманне дзяржаўнай падтрымкі ў адпаведнасці з Указам ад 6 студзеня 2012 года №13, у тым ліку - ветэраны баявых дзеянняў.
