У гэтым годзе негатыўны ўплыў на развіццё сферы турызму аказала пандэмія каронавірусу. Аднак у рэгіёне спадзяюцца, гэта - справа часовая, і працягваюць надаваць асаблівую ўвагу развіццю турыстычных паслуг. Вынік такой работы, як правіла, не застаўляе сябе чакаць. Так, за мінулы год экспарт турпаслуг у вобласці павялічыўся на 12%. У Баранавіцкім раёне за апошнія 4 гады ўдалося павялічыць экспарт турыстычных паслуг ажно ў сем разоў. Стаўку тут робяць на стварэнне і развіццё новых сучасных інфраструктурных аб’ектаў у галіне турызму. Вось і зараз у раёне паводле інвестыцыйнага дагавора ідзе будаўніцтва вялікага турыстычнага комплекса.
