Чорнагаловы шчыгол стане птушкай 2018 года! Гэта - рашэнне грамадскага аб’яднання “Ахова птушак Бацькаўшчыны”. Плануецца выпуск манеты і маркі з выявай птушкі года. У гарадах пройдуць экскурсіі «У пошуках птушкі года», а на тэрыторыях, якія прыйшліся шчаглам па душы, з'явяцца папераджальныя таблічкі «Тут спявае шчыгол - птушка года!». 5 чэрвеня, у Сусветны дзень аховы навакольнага асяроддзя, па ўсёй краіне пройдзе конкурс «Птушка-арт», яго ўдзельнікам прапануюць стварыць з людзей сілуэт птушкі, а юныя мастакі паспрабуюць сілы ў мастацкім конкурсе "Што ёсць шчыгол?».
