Напярэдадні па ўсёй краіне прайшоў суботнік. У маштабнай акцыі па добраўпарадкаванні і навядзенні парадку на зямлі ўзялі ўдзел каля 420-ці тысяч жыхароў Брэсцкай вобласці. Разам з мясцовымі органамі ўлады да працоўнай акцыі далучыліся калектывы прадпрыемстваў і арганізацый, педагогі і навучэнцы навучальных устаноў, грамадскія аб’яднанні і проста ініцыятыўныя людзі. Аб’ектаў добраўпарадкавання хапала. У абласным цэнтры імі сталі тэрыторыі будоўляў, скверы і паркі, мемарыялы.
