У Брэсце з 14 лістапада ўводзіцца абавязковы масачны рэжым. Такую інфармацыю размясціў у сваім Telegram-канале старшыня гарвыканкама Аляксандр Рагачук. Рашэнне прынята сёння на нарадзе, дзе абмяркоўвалася эпідэміялагічная сітуацыя ў абласным цэнтры. У перыяд распаўсюджвання каронавірусу ў асаблівай абароне маюць патрэбу пажылыя людзі. Таму ў тэрытарыяльных цэнтрах сацыяльнага абслугоўвання насельніцтва вобласці арганізаваны штодзённыя гарачыя тэлефонныя лініі па дастаўцы прадуктаў і лекаў для адзінокіх і непрацаздольных грамадзян.
