Ад Вялікага Кастрычніка нам засталася добрая традыцыя - сустракаць яго працоўнымі падарункамі. Да свята здаюцца ў строй значныя аб'екты сацыяльнага значэння. Так, два знакавых аб’екта адкрылі ў Столінскім раёне. Новае жыццё атрымаў участак аўтадарогі Вялікае Малешава - Рамель - Альшаны. У самім жа райцэнтры ўрачыста адкрылі чарговую шматпавярхоўку. Павіншаваць жыхароў Століншчыны прыехалі старшыня Следчага Камітэта Беларусі Іван Наскевіч і першы намеснік старшыні Брэсцкага аблвыканкама Валерый Рабкавец.
