У беларуска-польскім памежжы будзе развівацца дарожная інфраструктура, масты і развязкі стануць сучаснымі і бяспечнымі. Гэта прадугледжана міжурадавым Пагадненнем, якое ў Брэсце падпісалі кіраўнікі транспартных ведамстваў Беларусі і Польшчы. Дакумент дазволіць рэгуляваць пытанні ўтрымання мастоў на агульных участках мяжы, у пунктах пропуску. Прадугледжана і развіццё транспартнай лагістыкі дзвюх краін.
