У Брэсце на сумесным пасяджэнні прэзідыўма абласнога савета дэпутатаў і аблвыканкама ўтворана абласная камісія па выбарах дэпутатаў у мясцовыя Саветы 28-га склікання Брэсцкай вобласці. У склад абласной выбарчай камісіі былі вылучаны 18 прадстаўнікоў, з іх 13 - ад грамадскіх аб’яднанняў і палітычных партый, 5 - ад грамадзян шляхам падачы заяў. На працягу трох дзён ад моманту ўтварэння абласная камісія па выбарах правядзе першае пасяджэнне, на якім будуць выбраны старшыня, яго намеснік і сакратар. Вылучэнне кандыдатаў у дэпутаты мясцовых Саветаў пачнецца з 10-га снежня. Выбары дэпутатаў пройдуць 18 лютага 2018 года.
