Сёння – Міжнародны дзень музеяў. Традыцыйна ў гэты дзень музейныя ўстановы запрашалі сваіх наведвальнікаў на акцыю “Ноч музеяў”. Аднак, неспрыяльная эпідсітуацыя ўнесла карэктывы ў правядзенне мерапрыемстваў. Для музеяў і выставачных залаў сёння галоўнае - не парываць сувязь з наведвальнікамі. А таму яны ўсё больш выходзяць у рэжым анлайн. Так, мемарыяльны комплекс "Брэсцкая крэпасць-герой" прадставіў новы праект - серыю відэаролікаў аб экспанатах Музея абароны.
