На сёння ў Беларусі 18 тысяч 350 чалавек са станоўчым тэстам на COVID-19. А гэта – 8,7% ад агульнай колькасці праведзеных тэстаў. На перадавой барацьбы з вірусам, канешне, нашы медыкі. Героям у белых халатах сёння імкнуцца дапамагчы і дапамагаюць многія прадпрыемствы і арганізацыі. Канцэрн “Брэстмясамалпрам” стаў адным з ініцыятараў дабрачыннасці. Далучылася і гасцініца “Эрмітаж”, шэф-повар якой цяпер гатуе абеды для медыкаў Брэсцкай цэнтральнай гарадской бальніцы.
