“Баранавіцкая вясна-2009” - бясплатнае кіно, кірмаш талентаў, канцэрты і ... акцыя ад МТС. Сёлета ўсё гэта прысвечана Году радной зямлі.

Традыцыйнае свята “Баранавіцкая вясна-2009” пройдзе ў Баранавічах ў суботу, 30 мая. Сёлета яно прысвечана Году роднай зямлі.

Пачнецца мерапрыемства ў 11 гадзін ў мікрараёне “Паўночны “, дзе на востраве закаханых будуць урачыста ўшаноуваць сямейныя пары, якія пражылі ў міры і згодзе 50 і больш гадоу. У праграме свята і шмат іншых цікавых мерапрыемстваў: бясплатны паказ камедыі кінастудыі “Беларусьфільм” “На спіне ў чорнага ката”, у парку культуры і адпачынку прагучаць канцэртныя праграмы з удзелам творчых калектываў дзіцячых школ мастацтваў, агульнаадукацыйных школ, Палаца культуры “Тэкстыльшчык”.

У парку будзе працаваць і своеасаблівы кірмаш талентаў. Жыхарам і гасцям горада прапануюць выступленне удзельнікаў рыцарскага клуба “Шляхецкая застава”, будзе працаваць выстава работ народных майстроў , на якой можна будзе набыць работы ўмельцау Баранавіч і іншых гарадоў Беларусі.

На сцяжынцы прыгод дзяцей чакае забаўляльна-пазнавальная праграма Цэнтра турызму і краязнаўства, для дарослых будзе арганізавана акцыя-канцэрт ад кампаніі МТС з удзелам артыстаў беларускай эстрады. У праграме свята таксама шмат іншых цікавых мерапрыемстваў.