Сёння з Брэста ў  Калініград выляцеў самалёт  АН-24. Такім чынам,  адноўлены  рэгулярныя авіярэйсы ў самы заходні расійскі горад. Прамыя паветраныя зносіны  з Калініградам пачалі ажыццяуляцца яшчэ ў 2004 годзе, калі рэйсы ажыццяўляла прыватная авіякампанія. Цяпер гэта робіцца сумесна з авіякампаніяй “Гомельавія”.

Палет вельмі зручны для людзей,  якія маюць справы ў Калінінградзе. Зацікаўлены  ў ім  прадпрымальнікі, ды і ў жыхароў нашага і суседніх рэгіёнаў есць нямала родных  у бурштынавым краі. І яны з задавальненнем будуць  карыстацца магчымасцямі хутка і з камфортам  трапіць у самы заходні горад Расіі. Тым больш, што некалькі соцен кіламетраў пераадольваюцца крыху больш чым  за паўтары гадзіны. Таму рэйс будзе запатрабаваны, упэўнены ў Брэсцкім філіяле ўнітарнага прадпрыемства “Белаэранавігацыя”.  Пакуль ён будзе ажыццяўляцца раз у тыдзень – па  аўторках.