У нядзелю, 30 мая, у мемарыяльным комплексе партызанскай славы “Хаваншчына” Івацэвіцкага раёна пройдзе традыцыйная маёўка – сустрэча ветэранаў Вялікай Айчыннай вайны , прымеркаваная да 65-ай гадавіны Вялікай Перамогі. Мемарыяльны комплекс партызанскай славы ў Івацэвіцкім раёне створаны  ў 1971 годзе згодна з рашэннем Брэсцкага абкама КПБ і абласнога Савета дэпутатаў. Мемарыял – старонка жывой гісторыі баявых подзвігаў айцоў і дзедаў.

Адкрыты ён для маладога пакалення.  Гэта даніна ўдзячнай памяці тым, хто загінуў у жорсткіх баях за свабоду і незалежнасць Радзімы. Экскурсія ў музейны комплекс “Хаваншчына” – гэта ўрок мужнасці і патрыятызму. Тут у 1943-44 гадах размяшчаліся штаб Брэсцкага партызанскага злучэння, абкам кампартыі Беларусі, абкам камсамола і падпольная рэдакцыя газеты “Заря”.  30 мая ўдзельнікам маёўкі будзе прадэмастравана тэатралізаваная экскурсія-расказ “Адзін дзень з жыцця партызанскага атрада”. У кожным доміку, на пляцоўцы каля штаба і доміка  падпольнай рэдакцыі абласной газеты “Заря” будзе разгорнута тэатралізаванае дзеянне. Ідэя правядзення падобнай экскурсіі належыць супрацоўнікам Івацэвіцкага гісторыка-краязнаўчага музея, а пераўтвараць яе ў жыццё дапамагаюцьь многія арганізацыі.