У горадзе Роўна (Украіна) прайшоў 4-ты міжнародны фестываль, у якім прынялі ўдзел тэатры 3-х краін: Беларусі, Літвы і Украіны. На суд журы было вынесена 17 конкурсных спектакляў.

Беларусь на фестывалі прадстаўляў узорны тэатр-студыя “Паралель” Баранавіцкага  Палаца дзіцячай творчасці, які прывёз з Украіны Гран-пры фестывалю, дыпломы за лепшую мужчынскую ролю першага і другога плана, за лепшае харэаграфічнае і пластычнае рашэнне спектакля. Як адзначыла журы фестывалю, баранавіцкія артысты забралі палову дыпломаў.  “Паралель” вазіла на фестываль спектакль “Ціль” па пьесе Рыгора Горына, у якім былі заняты 38 самадзейных артыстаў ад 14 да 21 года. Па словах рэжысёра Ларысы Сартаковай, гэта масавы спектакль, падабраны добры акцёрскі ансамбль, дзеці ігралі як адно цэлае і таму такі выдатны вынік. Нягледзячы на складаную тэму – часы інквізіцыі – спектакль атрымаўся светлы.