Амаль кожны дзесяты з працаўладкаваных у Брэсце праз упраўленне па працы, занятасці і сацыяльнай абароне БрГВК - інвалід.

За сем месяцаў гэтага года ўпраўленнем па працы, занятасці і сацыяльнай абароне Брэсцкага гарвыканкама працаўладкавана тысяча 928 чалавек, з іх 89 інвалідаў. На многіх прадпрыемствах і ў арганізацыях штогод спецыяльна браніруюцца месцы, якія могуць займаць толькі інваліды.

Напрыклад, сёлета ў Брэсце выдзелена каля ста такіх рабочых месцаў. Кожны месяц упраўленне па працы, занятасці і сацыяльнай абароне гарвыканкама дапамагае працаўладкавацца ў сярэднім 10-ці інвалідам. Лічба, з улікам цяперашняй эканамічнай сітуацыі, не такая ўжо і малая. Тым больш, што работа на якую працаўладкоўваюць чалавека з абмежаванымі магчымасцямі, павінна супадаць з рэкамендацыямі медыка-рэабілітацыйнай камісіі.

Дарэчы, у цэлым у Брэсцкай вобласці ў мінулым годзе працаўладкавана 376 беспрацоўных інвалідаў. На 1-га ліпеня на ўліку ва ўпраўленні абласной службы занятасці насельніцтва стаіць 258 інвалідаў.