Пачалася падрыхтоўка да выставы-кірмашу тавараў Брэсцкай вобласці ў Маскве, якая напрыканцы ліпеня пройдзе ў Заходняй адміністрацыйнай акрузе расійскай сталіцы.

Нягледзячы на крызісныя з’явы ў сусветнай эканоміцы, дзелавое супрацоўніцтва брэстчан з масквічамі не толькі не зніжае абароты, а наадварот пашыраецца. Згодна з дасягнутымі дамоўленасцямі паміж  Брэсцкім аблвыканкамам і прэфектурай Заходняй акругі селета планавалася правесці ў белакаменнай, ля станцыі метро “Баграціёнаўская”, 4 такія выставы. Аднак у сувязі з тым, што наша прадукцыя карыстаецца вялікім попытам у масквічоў, ва ўправе “Трапарова-Нікуліна” у раене Алімпійскай вескі, будзе разгорнута няпланавая выстава.

Выказалі жаданне паўдзельнічаць у ей Пінскі мясакамбінат, Пружанскі малочны камбінат, Гарынскі агракамбінат, “Брэстхлебпрам” і іншыя прадпрыемствы Брэстчыны. У Брэсцкім адзяленні Беларускай гандлева-прамысловай палаты ўпэўнены, што  масквічы, як заўседы, будуць задаволены асартыментам і якасцю тавараў з брэсцкай маркай.