Сення з Брэста ў Калугу прыбыў 500-ы кантэйнерны поезд з камплектуючымі для аутамабільнага завода “Фальксваген Груп Рус”, які ўзведзены ў расійскім горадзе.

Прэзентацыя першага кантэйнернага поезда Брэст-Калуга з камплектуючымі для аўтамабіляў нямецкага канцэрна “Фальксваген” была арганізавана ў студзені мінулага года. А пробныя перавозкі праз горад над Бугам пачаліся ў кастрычніку 2007 года.

Са студзеня 2008 года рэгулярны рух кантэйнерных паяздоў па маршруце Чэхія-Славакія-Брэст-Калуга хутка павялічваўся. Кантэйнерны поезд стаў адным з найбольш маштабных праектаў, што дзейнічаюць на Беларускай чыгунцы. Толькі ў чэрвені са станцыі Брэст-Паўночны адпраўлена 27 кантэйнерных саставаў.

Дастаўка 40-футавых  кантэйнерау ажыццяўляецца акцыянерным таварыствам “Транскантэйнер”, прадстаўніцтва кампаніі працуе ў Брэсце. Згодна з дагаворам аператарам кантэйнернага поезда Брэст-Калуга-Брэст на тэрыторыі Беларусі з’яўляецца прадпрыемства “Белінтэртранс-транспартна-лагістычны цэнтр”.

Дададзім, што маршрут руху праз Брэст з’яўляецца самым аптымальным. А ў Брэсцкім аддзяленні чыгункі накоплены значны вопыт па арганізацыі такіх перавозак, маецца вялікая рэзервная прапускная здольнасць.

Селета плануецца арганізацыя перавозак камплектуючых для канцэрна“Фальксваген”  у 2-х новых зносінах: Познань (Польшча)-Калуга і ў адваротным накірунку, і Вінмарк\Вольсфсбург-Калуга і таксама ў адваротным накірунку.