Супрацоўніцтва паміж Брэстчынай і кітайскай правінцыяй Хубэй павінна і можа стаць больш пленным.

Перадумовы для гэтага есць, і самая галоўная – жаданне бакоў. Гэта падкрэсліў старшыня аблвыканкама Канстанцін Сумар падчас сенняшняй сустрэчы з дэлегацыяй правінцыі Хубэй Кітайскай Народнай Рэспублікі на чале з намеснікам старшыні Пастаяннага камітэта Сходу народных прадстаўнікоў правінцыі Жэнь Шымао.

Кіраўнік вобласці нагадаў, што Брэстчына падтрымлівае даўнія сувязі з кітайскім рэгіёнам. Пагадненне аб супрацоўніцтве было падпісана 15 гадоў таму, яшчэ ў 1994 годзе. З таго часу адміністрацыйны цэнтр правінцыі горад Сяогань з’яўляецца горадам-пабрацімам Брэста. Крыху пазней парадніліся Баранавічы і кітайскі горад Чыбі.  А Брэсцкі дзяржаўны тэхнічны ўніверсітэт заключыў пагадненне з Хух-Хатоскім прафесіянальным універсітэтам (Хух-Хато – адміністрацыйны цэнтр яшчэ аднаго кітайскага рэгіёна – Унутранай Манголіі). Канстанцін Сумар упэўнены, што ўзаемавыгадныя адносіны паміж рэгіёнамі, нягледзячы на адлегласць, стануць больш дынамічнымі.

Між іншым, на Брэстчыне дзейнічаюць тры прадпрыемствы з кітайскім капіталам, кітайцы вырошчваюць агародніну у нашай вобласці. Канстанцін Сумар прапанаваў наладзіць пастаўку нашага сухога малака ў кітайскую правінцыю. Селета ў Брэсцкім дзяржаўным тэхнічным унівесітэце навучалася 33 кітайскіх студэнтаў. Губернатар выказаў прапанову аб павялічэнні іх колькасці. Напрыклад, у Палескім дзяржаўным універсітэце моладзь з Паднябеснай магла б атрымліваць спецыяльнасць спецыялістаў банкаўскай справы, а у Баранавіцкім дзяржуніверсітэце – прыродаахоўнай.  Кіраўнік дэлегацыі з Кітая запрасіў прадстаўнікоў Брэстчыны пабываць у правінцыі.
   Госці наведалі мемарыяльны комплекс “Брэсцкая крэпасць-герой”, усклалі кветкі да Вечнага агню, пабывалі ў нацыянальным парку “Белавежская пушча”.
 У другой палавіне дня дэлегацыя правінцыі Хубэй выехала ў Мінск.