Сення ў Штутгарце (Германія) - адміністрацыйным цэнтры зямлі Бадэн-Вюртэмберг - закончыўся Эканамічны форум з удзелам нямецкіх бізнесменаў і прадстаўнікоў дзелавых колаў Брэстчыны.

Дэлегацыя на чале з першым намеснікам старшыні аблвыканкама Міхаілам Юхімуком прыняла ўдзел у кантактна-кааперацыйнай біржы, сустрэчах вытворцаў, прадпрымальнікаў, рэзідэнтаў “СЭЗ “Брэст” нашай вобласці з дзелавымі партнерамі Германіі.

Між іншым, з зямлей Бадэн-Вюртемберг брэстчан звязваюць даўнія сувязі. На прайшоўшым у верасні мінулага года ў Брэсце першым інвестыцыйным форуме былі і прадстаўнікі таварыства па развіцці межнароднага супрацоўніцтва, створанага пры міністэрстве эканомікі гэтага нямецкага рэгіёна, - “Бадэн-Вюртэтэмберг-інтэрнэшнл”. Тады бакі і дамовіліся аб  напаўненні супрацоўніцтва канкрэтным зместам, а брэстчане атрымалі запрашэнне ў Германію.

Падчас Эканамічнага форуму адбылася прэзентацыя эканамічных магчымасцяў Брэстчыны. Між іншым, прадстаўнікі больш як 40 нямецкіх фірмаў зацікаўлены ў наладжванні дзелавых сувязяў з нашым рэгіенам і  гатовыя  да супрацоўніцтва ў розных сферах. Падчас сустрэч з кіраўніцтвам міністэрства эканомікі зямлі Бадэн-Вюртэмберг, мэрыі горада Карлсруэ іменна пра гэта і вялася гаворка.