Сення раніцай з Брэста ў Польшчу выехала дэлегацыя супрацоўнікаў устаноў культуры (спецыялісты па ахове помнікаў, музейныя, бібліятэчныя работнікі, рэстаўратары) і актывісты   Брэсцкага грамадска-культурнага аб’яднання імя Тадэвуша Касцюшкі.

Землякі пабываюць у Любліне, Кракаве, пазнаёмяцца з работай польскіх музеяў, замкавых і палаца-паркавых комплексаў, у тым ліку і па захаванні памяці знакамітага ураджэнца Брэстчыны і Нацыянальнага героя Польшчы Тадэвуша Касцюшкі.

Паездка арганізавана ў адпаведнасці з пагадненнем аб супрацоўніцтве паміж Брэсцкім аб’яднаннем імя Касцюшкі і Польскім таварыствам імя Касцюшкі.