Па традыцыі 22 чэрвеня а палове чацьвертай раніцы жыхары і госці Брэста ідуць ў мемарыяльны комплекс “Брэсцкая крэпасць герой”, каб аддаць даніну памяці і павагі тым, хто цаной уласнага жыцця падарыў нам жыцце ў свабоднай краіне, пад мірным небам.

Сенняшняя непагадзь не стала перашкодай для тых, хто прыйшоў пакланіцца абаронцам цытадэлі, подзвіг якіх стаў першым крокам да Вялікай Перамогі. Кветкі да Вечнага агню ўскладалі кіраўнікі вобласці і горада, прадстаўнікі грамадскасці, моладзі і, канечне ж, ветэраны.

На жаль, рады ветэранаў радзеюць, а выходзіць з дома з кожным днем некаторым становіцца ўсе цяжэй. “Але 22 чэрвеня, а таксама на галоўнае свята – Дзень Перамогі, прыходзіць на гэтую свяшчэнную зямлю проста неабходна,” – лічыць старшыня Брэсцкага гарадскога камітэта ветэранаў Сцяпан Савельевіч Каламіец.

Сення пра ветэранаў не забываюць ні моладзь, ні грамадства, ні ўлады. Як зазначыў падчас выступлення старшыня Брэсцкага аблвыканкама Канстанцін Сумар, ніхто сення не забыты, і мы, у адрозненне ад іншых дзяржаў, не спрабуем перайначыць гісторыю, перакрэсліць подвіг савецкага салдата.

Світанне ў крэпасці сустракалі не толькі брэстчане. У горад над Бугам ўспомніць подвіг нашых дзядоў і прадзедаў прыехалі шматлікія дэлегацыі ў розных гарадоў былога Савецкага саюза.

Галоўнае сення, што моладзь ўшаноўвае памяць загінуўшых абаронцаў цытадэлі, наогул усіх тых, хто змагаўся за свабоду нашай радзімы. Таму падцверджанне тое, што ў крэпасць прыйшло мноства маладых, вучняў, студэнтаў, некаторыя прыходзілі цэлымі сем’ямі, нават з маленькімі дзеткамі. Гэта сведчыць, што памяць пра гераічны подзвіг жыве ў сэрцах беларусаў.