Сёння пад старшынствам Канстанціна Сумара адбылося чарговае пасяджэнне абласнога выканаўчага камітэта.

Асноўнае пытанне, якое абмяркоўвалася, гэта падрыхтоўка сельгасарганізацый вобласці да ўборкі збожжавых і зебнебабовых культур. Як адзначыў кіраўнік вобласці, галоўная задача зараз падрыхтаваць усе зернесушыльныя комплексы, якія маюцца ў рэгіёне. Да 1-га ліпеня неабходна таксама адрамантаваць усю збожжаўборачную тэхніку, вырашыць пытанне з забеспячэннем механізатарамі на час жніва ў гаспадарках. Павінна быць прапрацавана тактыка вядзення ўборачнай кампаніі, адпрацаваны падыходы. Тым больш, што дажджлівае надвор’е ўносіць карэктывы ва ўборачную. Таму да кіраўнікоў раёнаў будуць прад’яўляцца асабліва жорскія патрабаванні ў плане падрыхтоўкі зернесушыльных комплексаў, камбайнаў і іншай тэхнікі да сёлетняй уборачнай кампаніі, - падкрэсліў старшыня аблвыканкама Канстанцін Сумар.

Сёлета фарміруецца ўраджай збожжавых на ўзроўні мінулага года, а то і большы. Ёсць падставы атрымаць неблагі ўраджай пшаніцы, напрыклад, - адзначыў намеснік старшыні камітэта па сельскай гаспадарцы і харчаванню аблвыканкама Аляксей Трацюк. У сціслыя тэрміны трэба правесці хімічную апрацоўку пасеваў, каб прадухіліць узнікненне хвароб калосся. У першыя дні ліпеня плануецца пачаць уборку азімага ячменю, сёлета яго плошчы павялічаны з 48-мі да 55-ці тысяч гектараў. Але сабраць ураджай якасна і ў сціслыя тэрміны - мала, трэба ячшэ яго правільна захоўваць. У вобласці створана камісія, якая сочыць за падрыхтоўкай да прыёмкі збожжа складскіх памяшканняў. Аб падрыхтоўцы раёнаў да ўборачнай далажылі старшыні некаторых райвыканкамаў.

На пасяджэнні абласнога выканаўчага камітэта таксама разгледжаны меры па фарміраванню і развіццю сектара малых прамысловах прадпрыемстваў вобласці. У прыватнасці, адзначана, што на Брэстчыне за пяць месяцаў гэтага года створана 115 малых прамысловах прадпрыемстваў і 751 новае рабочае месца. Вобласць у гэтым накірунку займае трэцяе месца, пасля горада Мінска і Мінскай вобласці. Акрамя таго, на пасяджэнні абмерваваны ход выканання Дзяржаўнай праграмы па водазабеспячэнні і водаадвядзенні “Чыстая вада”.