Афіцыйная дэлегацыя Беларусі на чале з намеснікам старшыні Брэсцкага аблвыканкама Андрэем Клецам вярнулася з Кітайскай Народнай Рэспублікі, дзе прыняла ўдзел у міжнародным семінары “Адзін пояс-адзін шлях. Знаёмства з Хубэем”. Беларуская дэлегацыя прэзентавала на семінары эканамічны і інвестыцыйны патэнцыял Беларусі, у прыватнасці, Брэсцкай вобласці. Асаблівая ўвага звярталася на перспектывы супрацоўніцтва нашага рэгіёна і правінцыі Хубэй, які мае вялікі вопыт пабрацімскіх сувязяў.
