Ад колькасці – да якасці! Менавіта якасны паказчык у вытворчасці прадукцыі і паслуг сёння выходзіць на першы план, - адзначыў кіраўнік Брэсцкай вобласці Анатоль Ліс падчас пасяджэння аблвыканкама. Асноўным пытаннем на парадку дня стаў разгляд работы па стымуляванні і ўкараненні ў эканоміку прадпрыемстваў перадавых методык і сучасных міжнародных сістэм кіравання якасцю. Удзел у рабоце пасяджэння ўзяў старшыня Дзяржаўнага камітэта па стандартызацыі Беларусі Віктар Назаранка.
