Адзінае ў Брэсцкай вобласці фармацэўтычнае прадпрыемства “Экзон” першым у краіне выпусціла камбінаваны медпрэпарат для лячэння віруснага гепатыта С. Раней падобныя лекі выраблялі толькі за мяжой. А айчынныя прадпрыемствы фармгаліны прапанавалі спажыўцам комплекс таблетак. Зараз два прэпараты замяняе адзін. Асваенне вытворчасці новага, так званага генерыка, ці аналага арыгінальных прэпаратаў дазволіць спажыўцу выбіраць. Бо айчынны прэпарат па цане больш даступны.
