Суд Ленінскага раёна Брэста прыступіў да разгляду першай у Беларусі крымінальнай справы па абвінавачванні ў камерцыйным шпіянажы. Супрацоўнікі ўпраўлення па барацьбе з арганізаванай злачыннасцю і карупцыяй Міністэрства ўнутраных спраў Беларусі і АМАПа затрымалі мінчаніна і брэстчаніна пры перадачы часткі хабару службовай асобе аднаго з прыватных прадпрыемстваў Брэста. Фігуранты справы абвінавачваюцца па двух артыкулах Крымінальнага Кодэкса - “камерцыйны шпіянаж” і “спроба дачы хабару ў буйным памеры”.
