Вялікія работы па рамонце і будаўніцтве сельскіх аўтадарог і вуліц вядуцца ў Пінскім раёне, дзе, дарэчы, найвялікшая вулічна-дарожная сетка ў вобласці. Мясцовыя дарожнікі ўжо выканалі работ больш чым на 80% ад запланаванага на гэты год аб’ёма. Асаблівая ўвага - аграгарадку Парахонск. Тут працягвае рэалізоўвацца праграма “Вёска будучага”, у сувязі з чым на мясцовае добраўпарадкаванне былі выдаткаваны дадатковыя сродкі.
