Сваё прафесійнае свята адзначылі нашы калегі – журналісты-газетчыкі. Напярэдадні былі падведзены вынікі Нацыянальнага конкурсу друкаваных сродкаў масавай інфармацыі “Залатая літара”. Дзве "Залатыя літары" адправіліся ў Брэсцкую вобласць. У намінацыі “Лепшы творчы праект года раённых СМІ” узнагароду атрымала газета “Навіны Камянеччыны”, а за лепшыя матэрыялы маладзёжнай і дзіцяча-юнацкай тэматыкі – абласная газета “Заря”. Таксама напярэдадні Дня друку галоўны рэдактар абласной газеты “Заря” Аляксандр Лагвіновіч быў узнагароджаны медалём Францыска Скарыны.
